Byrgismálið og Framsóknarflokkurinn

     Þetta svokallaða ,,Byrgismál” hefur heldur betur verið að hlaða utan á sig og allt orðir með hreinum ólíkindum ef satt skal segja.  Það er ekki nóg með að allar siðferðisreglur hafi verið brotnar og brotið á trausti skjólstæðinga Byrgisins, heldur er að því er virðist um milljóna tuga fjársvik eða fjárdrátt að ræða. 

Hver er ábyrgð stjónvalda á því að ausa 200 milljónum af fé skattborgarana í slíka starfsemi á 5 ára tímabili og nota bene þrátt fyrir að hin ,,svarta skýrsla ríkisendurskoðunar” hafi litið dagsins ljós árið 2003!  Jú menn vísa hvor á annann.  Núverandi formaður Fjárlaganefndar Alþingis Birkir Jón Jónsson alþingismaður Framsóknarflokksins og  fyrrverandi aðstoðarmaður Félagsmálaráðherra þegar að ,,svarta skýrslan” kom fram vísar ábyrgðinni á Ríkisendurskoðun!   Það er einfaldlega rangt að benda á hana sem sökudólg, ráðherra ber að sjálfsögðu pólitíska og lagalega ábyrgð á þeim fjármunum sem fara frá hinu opinbera og því eftirliti sem fylgja á í kjölfarið.  

Mér hefur reyndar lengi fundist það fáránlegt að trúarsamtök, sumir segja ofsatrúarsamtök séu að að sinna meðferð alkahólista eða fíkniefnaneytenda og nota trúna í því skyni, því menn eru auðvitað í mjög mismunandi ástandi og ekki allir tilbúnir til að taka slíkri ,,meðferð” vel.  Því var ég hjartanlega sammála Þórani Tyrfingssyni yfirlækni á Vogi þegar hann kallaði eftir ábyrgð stjónmálamanna og einkum Framsóknarflokksins hvað þetta varðaði.  Því eins og hann sagði að svo virtist sem stjónmálamenn litu á áfengis og fíkniefnavanda sem synd!  Nú ætti að flytja sjúklinga frá einu trúfélagi til annars.  Þetta er náttúrlega ekki hægt!  

Ég held  að þetta mál ásamt fleirum sé enn einn naglinn í líkkistu Framsóknarflokksins.

Athugasemdir

[Óttarr Makuch, 20.1.2007 kl. 00:25]

Ekki erum við nú alltaf sammála, en í þessu tilfelli örlar á því að við séum það, allavega svona í flestum atriðum.  Ekki skil ég af hverju það á að draga einhvern pólitíkus til ábyrgðar þegar ábyrgðin liggur fyrst og fremst hjá forstöðumanni Byrgisins og stjórn heimilisins, sem merkilegt nokk er sjaldan eða aldrei talað um að þeir beri einhverja ábyrgð.  En nú eru þessi mál í höndum lögregluvaldsins og vonandi vinna þeir hratt og vel í þessu máli svo öll óvissa fari út af borðinu hið fyrsta.

[Sveinn Ingi Lýðsson, 20.1.2007 kl. 17:10]

Blessaður Egill og velkominn á bloggið.  Gaman að sjá þig hérna.  Að mörgu leyti get ég verið sammála þér með þetta blessaða Byrgismál.  Það er samt nokkuð skondið að hlusta á Þórarinn Tyrfingsson sem rekur sitt prívatsjúkrahús deila á aðra í svipaðri stöðu.  Allir eiga það sameiginlegt að standa á ríkisjötunni.

[Jökull (IP-tala skráð) 22.1.2007 kl. 21:31]

Jæja Egill gaman að sjá þig opinbera skoðanir þínar. Meira af þessu.

En um þetta mál hef ég bara þetta að segja, það verður að sjálfssögðu að dæma það fólk sem brýtur af sér í þessu máli. Þarna bregst algerlega opinbert eftirlit og vonandi er einhver lærdómur dreginn af þessu.

Hvernig væri nú að skrifa um lista sjálfsstæðismanna á suðurlandi! 

Kveðja frá Gautaborg