Mildunardómur Hæstaréttar yfir barnaníðingi!

Ég á ekki orð til að lýsa hneykslan minni yfir dómi Hæstaréttar frá sl. föstudegi þar sem hann mildar dóm héraðsdóms yfir Ólafi Barða Kristjánssyni fyrir kynferðisafbrot gegn stúlkubörnum, allt niður í þriggja ára gömlum!  Ég styð því fullkomlega Hrafn Jökulsson ásamt um 200 manns öðrum sem hafa sent mótmæli til réttarins vegna þessa.  Þá fagna ég einnig forsíðu Morgunblaðsins sem birti myndir af dómurunum og lýsti hneykslan sinni á dómnum. 

Vilji almennings er skýr, hann vill þyngja þessa dóma! Vilji löggjafans er einnig greinilega í þyngingarátt, þó að mun betur megi gera.  Refsiramminn er til staðar, því eins og segir í mótmælabréfi Hrafns: ,,Þið hefðuð getað dæmt hann í 4 ára fangelsi, samkvæmt 2. málsgrein 202. greinar almennra hegningarlaga.  Fyrsta málsgreinin gerir ráð fyrir allt að 12 ára fangelsi..".

Dómurinn var kveðinn upp af 5 karldómurum.  Spurning hvort að kvenndómari hefði dæmt öðruvísi, ég hallast að því að að trúa að svo hefði verið.  Við verðum að þyngja dóma yfir kynferðisafbrotamönnum!  

Athugasemdir

[Óttarr Makuch, 5.2.2007 kl. 20:06]

Egill, nú er ég svo hissa, get ekki betur séð en að þú sért farinn að hæla Mogganum og það á opinberum vettvangi.  Ég segi nú bara eins og hún amma sagði alltaf..... Batnandi mönnum er best að lifa

[Egill Rúnar Sigurðsson, 5.2.2007 kl. 21:39]

Ég hef aldrei veigrað mér við því að hæla Mogganum fyrir það sem  hann gerir vel Óttar minn.  Hef ekkert á móti honum, ágætlega skrifað blað.  Eini gallinn er að hann styður einn stjórnmálaflokk í orði og á borði og það eiga fjölmiðlar ekki að gera að mínu mati.