Ofsaakstur að aukast? Herða þarf eftirlit!

Ég hef það á tilfinningunni að ofsaakstur og almennt gáleysi í umferðinni sé stöðugt af aukast  a.m.k. af fréttafluttningi undanfarið að dæma.  Lögregla var t.a.m. kölluð þrisvar út síðasta sólahring vegna lífshættulegs ofsaaksturs. 

Ég hef lengi verið þeirrar skoðunnar að löggæsla sé hvergi nærri nógu góð, hún er mjög lítt sýnileg og menn komast upp með að brjóta endalaust af sér án þess að gripið sé í taumana.  Ég er ekki viss um að hærri sektir séu endilega lausnin, það er nýlega búið að stórhækka þær en það virðist ekki bera neinn árangur.  Sýnilegri löggæsla og hert eftirlit er það sem þarf.  Þá er stór spurning hvort ekki sé rétt að svipta ökumenn ökuréttindum ævilangt sem verða uppvísir af ,,almannahættubrotum" eins og kom fram í viðtali við Stefán Eiríksson lögreglustjóra höfuðborgarsvæðisins að kæmi til álita að kæra fyrir.

Tekinn á 135 km hraða á Reykjanesbraut

Athugasemdir

[Dofri Hermannsson, 17.2.2007 kl. 21:02]

Maður veit ekki alveg hvað dugar. Í raun er enginn eðlismunur á því að hleypa af riffli inni í bæ og að stunda ofsaakstur. Maður sem skyti af byssu yrði settur inn. Af hverju ekki að taka bara verulega fast á þessu, fangavist í 3 mánuði óskilorðsbundið og ökuleyfissvifting í ár. Það mætti brjóta upp fangavistina með heimsóknum á Reykjalund og aðstoð við fórnarlömb umferðarslysa.

[Halldór Sigurðsson, 17.2.2007 kl. 21:07]

Sammála er ég þér ,Dofri.
Lítum til U.S.A. , þar er litið á það þannig , að ef þú ert að stunda ofsaakstur og/eða aka fullur, þá ert þú hættulegur maður með vopn.

Þar sem bíllin getur skaðað , þá er litið á það þannig , að hann er vopn.
Og þeir taka þannig á þeim málum.

[Egill Rúnar Sigurðsson, 17.2.2007 kl. 23:21]

Já það þarf að taka verulega hart á þessu!

[Óttarr Makuch, 17.2.2007 kl. 23:45]

Heyr heyr, þar sem ég tek mikið mark á þér sem fræðimanni um umferðamál almennt þá tek ég heilshugar undir orð þín.  Það þarf aðgerðir gagnvart þessum glæfraakstri og það þarf aðgerðir strax í dag.  Ég hef sagt það áður að lögreglan eigi að koma úr felum og vera meira sýnileg.  Það er reyndar stefna sem nýr lögreglustjóri hefur sett, svo nú er bara spurningin hvort menn standi við stóru orðin. 

(þetta gerist nú frekar sjaldan að við séum alveg sammála  )

[Egill Rúnar Sigurðsson, 18.2.2007 kl. 00:40]

Nákvæmlega Óttar, nú er það bara spurning um það hvort staðið verður við stóru orðin,

[Njörður Lárusson, 18.2.2007 kl. 02:25]

Grand Theft Auto.....Playstation2

[samúel sigurjónsson (IP-tala skráð) 18.2.2007 kl. 18:42]

Ég er sammála því að það þarf að stór auka umferðar eftirlit ekki bara með hraða heldur líka annari hegðun í umferðinni t.d. frammúrakstri sem er gríðarlegt vandamál úti ávegum. Eins þarf að taka á því að ökumenn virði lækkun hraða vegna framkvæmda (prófið að keyra á 50 frá smáralindinni til Hafnarfjarðar) Ég tel að   það þurfi að setja nokkra bíla á göturnar sem sinntu  fyrst og fremst eftirliti og væru á ferðinni á öllum tímum, auk þess að fjölga myndavélum á gatnamótum. Einnig er þörf á að setja nokkra bíla á þjóðvegi landsins sem væru á ferðinni á fleiri tímum en tvær helgar á sumri. Einnig vil ég athuga með gæslu úr lofti í samvinnu við  landhelgisgæsluna, hvort hægt sé að nýta þjálfunar og æfingaflug að einhverju leiti til umferðareftirlits. Peninga í þetta vil ég fá með því að leggja niður umferðarráð og reka alla starfmenn þess því enginn þeirra virðist hafa hundsvit á akstri eða umferð. Ég held að sektir  seu ofnotaðar  það væri oft betra að veita tiltal eða áminningu enn við alvarleg og ítrekuð brot ætti að gera ökutæki upptækt í lengri eða skemmri tíma. Að lokum vil ég lýsa yfir ánægju með störf lögreglunar s.l. föstdagskvöld  því að  ökuníðingar mega ekki komast upp með geta stungið lögregluna af