Silfrið: Klám = kynferðislegt ofbeldi?! Sigurður Kári í vígahug!

Fjörugar umræður voru í Silfri Egils áðan þar sem  mætt voru þau Guðmundur Steingrímsson Samfylkingarmaður, Sóley Tómasdóttir frá VG, Jónína Bjartmas frá Framsókn og Sigurður Kári Kristjánsson frá Sjálfstæðisflokknum.

Deilt var um hinar afspyrnu vitlausu hugmyndir Steingríms J. um netlögreglu, þar sem Sóley taldi að snúið hefði verið út úr þeim og reyndi að fegra hugmyndir Steingríms sem von er. Þá barst talið nánar að klámi og skilgreiningu á því og vildi Sóley að við þyrftum að skilgreina klám og koma síðan í veg fyrir að við gætum nálgast það á netinu. Auðvitað eigum við að gera það sem við getum til að koma í veg fyrir klám og fylgifisk þess sem er ógeðfeldur, klám er jú bannað á Íslandi. 

Hins vegar er ég algerlega sammála Guðmundi Steingrímssyni að klám sé ekki ávallt kynferðisleg misnotkun, eins og Sóley hélt fram, það er að samasemmerki mætti setja á milli kláms og kynferðislegrar misnotkunar.  Þvílíkt bull!  Á þetta get ég ekki fallist.  Mér finnst þetta því miður vera enn ein vísbendin um ,,öfgafulla" stefnu VG í ýmsum málum.

Þá þykja mér það stórtíðindi að Sigurður Kári Kristjánsson taldi að Sif Friðleifsdóttir ætti að segja af sér vegna ummæla sinna um að slíta ætti stjórnarsamstarfinu ef Sjálfstæðismenn samþykktu ekki að setja ákvæði um sameign þjóðarinnar á auðlindum í stjórnarskrá.  Greinilegt að verulega er að slettast upp á vinskapin þar.

Athugasemdir

[samúel sigurjónnson (IP-tala skráð) 4.3.2007 kl. 14:59]

ég held að klám sé eitthvað loðið og teigjanlegt

[Egill Rúnar Sigurðsson, 4.3.2007 kl. 15:09]

Nákvæmlega Samúel, eins og lögfræðingurinn sagði: ,,loðið og teygjanlegt hugtak.

[Sveinn V. Ólafsson (IP-tala skráð) 6.3.2007 kl. 00:46]

Við vitum öll hvernig þetta endar ekki satt.

Eins og öll góð ævintýri mun Femínistum Íslands ásamt VG með sitt 24% fylgi, sem væntanlega eykst fram á kjördag, takast að hið ógerlega - stoppa, banna og fordæma klám í nokkur ár. Næsta víst miðað við andrúmsloftið sem er í gangi.  Gleymið ekki að við erum að upplifa hagsælustu ár íslandssögunnar en jafnframt  mikla valdaþreytu þessar ríkisstjórnar - einfaldlega af því að hún er búin að sitja lengi og komin tími á breytingar. 

Bönn geta virkað í nokkur ár - en ekki sem alsherjarregla um langan tíma. Nefni tvennt sem hefur aldrei virkað né ræst og mun aldrei rætast. Munið þið eftir bannárunum - auðvitað varð sú tilhögun til þess að fólk hætti alfarið að hugsa um vín og snéri sér alfarið að ljóðalestri og fjallsgöngum, eða hvað?  Annað dæmi: Fíkniefnalaust ísland - það er nokkurn veginn að virka ekki satt?  Málið er að kynhvöt fólks mun ekkert lamast þó forræðishyggjuöflin banni "sorann"  - þetta "andóf" snýst allt upp í andhverfu sína á endanum og áður en nokkur veit verða haldin "klám og sorapartý" út um hallan bæ í heimahúsum og siðgæðislögreglunni vísað á þau með hjálp netlögga sem þefa þau uppi með "öllum tiltækum ráðum" eins og Joðið sagði. 

Dream on Femínistar, VG og annað forræðishyggjufólk.  Þetta "plan" ykkar er eins vitlaust og hugsast getur - sorrý!  Mannssálirnar sveiflast - einn dag rosa agi, ahhh gott fyrir mig og alla hina ekki satt  - næsta dag do do og meira do do. 

Svona er þetta nú.  Erfitt að sætta sig við þessar hvatir sem búa í okkur - oj barast ég er óhreinn!

kveðja

Sveinn