Þá vitum við það! Þorgerður með stækkun en Lúðvík óákveðinn.

Þá vitum við það.  Þorgerður stendur með stóriðjunni eins og hún og hennar flokkur eru vön.  Hún má að sjálfsögðu hafa sína skoðun á því eins og allir aðrir (ég er á móti stækkun), en persónulega finnst mér það ekki við hæfi að menntamálaráðherra opinberi skoðun sína í þessu máli.  Hún er jú ráðherra menntamála og rætt hefur verið um möguleika á að þróa þekkingariðnað á svæðinu ef stækkun verður felld.

Ég hélt hins vegar að andstæðingar Samfylkingarinnar, hefðu rétt fyrir sér að því leiti að Lúðvík Geirsson bæjarstjóri í Hafnafirði styddi stækkun með ráðum og dáð, en á því eru þeir búnir að vera hamra margir hverjir.  Það er greinilega ekki rétt þar sem hann hefur ekki tekið ákvörðun enn hvort hann greiði atkvæði með eða á móti stækkun.

Menntamálaráðherra styður stækkun álversins í Straumsvík

Athugasemdir

[Jóhanna Fríða Dalkvist, 15.2.2007 kl. 22:57]

Af hverju ætti ekki að vera hægt að þróa þekkingariðnað á svæðinu þó verði af stækkun??? ég meina fyrir utan þá þekkingu sem stöðugt er verið að þróa í álverinu. Það er nefnilega alveg hægt að gera margt í einu...heppin

[Egill Rúnar Sigurðsson, 15.2.2007 kl. 23:24]

Það sem ég á við er að ef stækkun verður felld þá pakkar Alcan saman og fer með álverið ekki satt, eru að minnsta kosti búnir að hóta því þá skapast gríðarlegir möguleikar, verðmætar lóðir o.þ.h.

[Óttarr Makuch, 16.2.2007 kl. 16:01]

Það er auðvitað algjör rökleysa hjá Lúðvík Samfylkingamanni að halda að hann geti bakkað líkt og flokkur hans gerir við flestar stefnur sínar trekk í trekk.  Hann hefur margoft lýst yfir mikilvægi þess að álverið fái að "blómstra" og stækka, að koma svo fram núna þegar utankjörstaðarkosning er hafinn og ný stefna Samfylkingarinnar "fagra Ísland" hefur komið fram og segjast vera óákveðin.... Fáranlegt!  Kannski skiptir hann um skoðun jafn hratt og stefnur Samfylkingarinnar, eigum við að segja í næstu viku, eða þarnæstu?