Bombaytv.

Var að setja saman myndband um Framsókn, skoðið: http://www.grapheine.com/bombaytv/index.php?module=see&lang=uk&code=767e387a28c573be3692d684f52d9c0c

Skandall ef af verður.

Í fyrsta lagi er þetta staðfesting á því sem ég hef sagt frá byrjun; Alcan er ekki og hefur aldrei verið á leiðinni að loka álverinu í Straumsvík, óháð því hvernig kosningarnar færu!  Í öðru lagi væri þessi stækkun vanvirðing við lýðræðið og Hafnfirðinga ef af verður.  Fólk mun ekki sitja þegandi undir þessu. 

Kæru landsmenn!  Það er aldrei brýnna en núna að koma ríkisstjórn stóriðjuflokkanna frá völdum.  Við megum ekki við meiri þennslu í hagkerfinu.  Það fer allt beina leið til andskotans ef núverandi ríkisstjórn stóriðjusinna fær sitt fram!

Stækkun álversins rúmast innan núverandi deiliskipulags

Af lýðræðisþroska landsmanna.

Umræðan í kjölfar álverskosninganna svokölluðu í Hafnafirði hafa vægast sagt gengið fram af mér. Ég hélt að við íslendingar hefðum meiri lýðræðisþroska en umræðan ber með sér.  Menn tala um að kosningin sé ómarktæk af því að svo litlu munaði, kjósa eigi aftur til að fá afdráttarlausa niðurstöðu, kosningarþátttaka hafi ekki verið næg (76%!) og þar fram eftir götunum! Framkvæmd kosninganna var til mikils sóma og öllum leikreglum lýðræðisins fylgt.  Fyrir lá úr herbúðum beggja fylkinga að una yrði við niðurstöðuna hver svo sem hún yrði og einfaldan meirihluta þyrfti til.  Hversu mörgum atkvæðum munaði skiptir nákvæmlega engu máli!

Hvað er að?!  Geta vel gefnir málsmetandi menn látið svona vitleysu út úr sér? Ég á hreinlega ekki orð!  Erum við virkilega ekki komin lengra en þetta í lýðræðislegri hugsun?  Helst vil ég nú samt trúa því að menn hljóti bara að vera svona tapsárir og eigi mjög erfitt með að sætta sig við niðurstöðuna.  Ég hélt að við værum öll sammála um að lýðræðiskerfið væri það besta sem völ væri á, þó vissulega sé það ekki gallalaust.  Réttur minnihlutans verðir því miður oft fyrir borð borinn, en ég trúi ekki að nokkur maður vilji í alvöru fara að steypa lýðræðiskerfinu!

Sigur Samfylkingarinnar!

 

Sumir hér á mbl blogginu hafa verið að gagnrýna Lúðvík og Samfylkinguna fyrir þessar álverskosningar, stefnu og afstöðuleysi og þar fram eftir götunum en það get ég því miður ómögulega skilið!  Ef einhver einstaklingur er sigurvegari í þessu máli, þá er það Lúðvík Geirsson bæjarstjóri í Hafnarfirði.  Hann og Samfylkingin ákváðu að leggja málin upp með þessum hætti og voru fulltrúar allra flokka í bæjarstjórn Hafnafjarðar sammála um að fara með þetta mál í atkvæðagreiðslu. 

Met kosningarþátttaka varð staðreynd, sem staðfesti vilja Hafnfirðinga til að leysa málið með þessum hætti.  Kosningin er stórt skref í átt til aukins lýðræðis, sem hefur verið og er stefna Samfylkingarinnar.  Skil því ekki hvað menn hafa upp á Samfylkinguna eða Lúðvík að klaga! Framkvæmdin öll var til fyrirmyndar og lýðræðisleg niðurstaða fékkst, sem margir virðast hins vegar eiga erfitt með að kyngja! 

Það eina sem er "leyfilegt" að gagnrýna Lúðvík fyrir, þ.e. menn geta haft mismunandi skoðanir á, er að hann skyldi ekki gefa upp sína afstöðu til stækkunar.  En Deiliskipulagið sem kosið var um var ekki lagt fram af Hafnafjarðarbæ, heldur af Alcan og hann sem umboðsmaður bæjarbúa (bæjarstjóri allra bæjarbúa) taldi það ekki vera sitt hlutverk að segja bæjarbúum hvað þeir ættu að kjósa, eða að leiða annan hópinn og þar er ég honum sammála. 

Held að þetta mál í heild sinni hljóti að verða til þess að fylgi Samfylkingarinnar aukist! Tapa kannski mögulega atkvæðum tapsárra álverssinna, en vinna örugglega a.m.k. tvö á móti annarsstaðar.  Samfylkingin hefur gert allt rétt í þessum mái og á hrós skilið!

Sveitastjórnarráð Samfylkingarinnar óskar Hafnfirðingum til hamingju

Til hamingu Hafnfirðingar og landsmenn allir!

Mjög góð niðurstaða!  Hafnfirðingar höfðu kjarkinn og skynsemina til að hafna stækkun.  Ég var fyrst og fremst á móti stækkun af tvennum ástæðum.  Fyrst þeirri að við megum ekki við meiri þennslu á höfuðborgarsvæðinu og í öðru lagi er staðsetningin á svo stóru álveri, ef af hefið orðið, afleit og skil ég Hafnfirðinga vel að vera á móti af þeim sökum.

Hafnfirðingar höfnuðu stækkun álversins

Kjarkur eða Hræðsla?!

Að mínu mati snúast þessar kosningar í Hafnafirði um kjark vs. hræðslu.  Hafa Hafnfirðingar kjark til að segja nei við stækkun álvers, eða þora þeir ekki að segja nei af ótta við að álverið fari, fólk missi vinnuna, tekjur Hafnfirðinga minnki o.þ.h.  Vona sannnarlega að kjarkurinn verði ofan á!

 

Úrslit í Hafnarfirði gætu legið fyrir kl. 21 til 22

Líkurnar á vinstri stjórn minnka.

Íslandshreyfingin mælist nú í annari könnunni í röð með um 5% fylgi.  Þetta fylgi virðist að mestu vera að koma frá VG sem missir 4% frá síðustu könnun.  Það er ljóst í mínum huga að ef að ekki verður hægt að mynda vinstri stórn nema með fjórum flokkum, þá mun hún ekki verða að veruleika.  Ég teldi það vera mjög jákvætt ef hægt væri að mynda ríkisstjórn án stóriðjuflokkanna beggja, Framsóknar og Sjálfstæðisflokks. En tilkoma Íslandhreyfingarinnar minnkar því miður líkurnar á því.  Með þessu er ég þó ekki að gagnrýna stefnu eða málefni hreyfingarinnar, en það sem ég hef heyrt líst mér ágætlega á, heldur einungis að ítreka þá skoðun mína að hreyfingin minnkar möguleika andstæðinga ríkisstjónarinnar á að ná völdum. 

Versta mögulega útkoma kosninganna væri auðvitað áframhaldandi stjórn B og D, en sem betur fer eru nú ekki miklar líkur á því.  Næstversta útkoman væri stjórn Sjálfstæðisflokks og Vinstri grænna.  Slík stjórn myndi sameinast um mjög neikvæða afstöðu til Evrópusambandsins, óbreytt landbúnaðarkerfi með ofurtollum, þrengja að fyrirtækjum í útrás svo eitthvað sé nefnt.  Þessir flokkar myndu sem sagt að ég tel og hef sagt áður, draga fram það versta í hvor öðrum.  Þjóðin þarf að mínu mati á Samfylkingunni að halda! Útkoma hennar er því miður ekki nógu góð um (19,9%) en ég er þó ekki í vafa um að fylgið muni aukast. 

Íslandshreyfingin mælist með með 5,2% fylgi

"Frelsisást Sjálfstæðisflokksins".

Það er ekkert annað en helber aumingjaskapur hjá Sjálfstæðisflokknum að hafa ekki komið í gegn afnámi einkasölu ÁTVR á léttvíni.  Ef þeir hefðu verið búnir að því væru að opnast léttvínsverslanir víðsvegar um landið.  Þessi valda og kerfisflokkur sem kennir sig við frelsið og hefur verið við stjórn samfleytt í 16 ár hefur nú ekki sýnt þessa "frelsisást" sína í verki!  Fjölmiðlalögin, ofurtollarnir, frelsisskerðing Falon Gong, efling RÚV, símahleranir án dóms og laga svo eitthvað sé nefnt er til marks um þetta.

Samfylkingingin er aftur á móti mun frjálslyndari flokkur á mörgum sviðum.  Hún vill ekki þrengja að frjálsu fjölmiðlunum, ekki standa vörð um úrelt og miðstýrt landbúnaðarkerfi, ekki skerða frelsi manna til að mótmæla á friðsaman hátt, eða styðja símhleranir án dóms og laga.  Meirihluti Samfylkingarinnar á þingi styður einnig frelsi í sölu á léttvíni.  Frjálst markaðskerfi (innan skynsamlegra marka) ásamt með öflugu velferðarkerfi er sú stefna sem farið hefur sigurför um hinn vestræna heim og er sú stefna sem jafnaðarmannaflokkar hafa haldið á lofti.  Er ekki kominn tími til að við íslendingar förum að fordæmi þeirra?

ÁTVR vill opna nýja vínbúð

Unga Ísland. Aðgerðaráætlun Samfylkingarinnar í málefnum barna og...

Ég fagna mjög þessari aðgerðaráætlun Samfylkingarinnar í málefnum barna og barnafólks, Unga ísland.  Samfylkingin hefur ítrekað haldið því fram að málefni barna eigi að vera í forgangi á verkefnalista næstu ríkisstjórnar og því er ég fullkomlega sammála.  Ég held reyndar að flest allir, sama hvar í flokki þeir standa hljóti að taka undir þessa stefnu.  Mjög gott mál.

Samfylkingin kynnir aðgerðaáætlun í málefnum barna

Örugglega ekki við ökukennsluna að sakast.

Ég er nokkuð viss um það að ekki er við ökukennsluna að sakast í þessu tilviki.  Vissulega kann kennslan að vera misjöfn á milli ökukennara, en almennt séð hefur kennslan batnað til mikilla muna á seinni árum, þó vissulega megi og þurfi að gera betur, svo sem með æfingarsvæði með misjöfnum aðstæðum, endurmenntun ofl.

Ég hallast að því að í þessu tilviki sé um sambland af óþroska og "útrásarþörf" að ræða.  Ég tel að mikill munur sé á þroska 17 og 18 ára unglinga og hef því verið fylgjandi því að hækka bílprófsaldurinn í 18 ár.  Ég er sannfærður um  að slysum og dauðsföllum myndi fækka í kjölfarið.  Hversu góður nemandinn er í ökukennslunni, segir ekkert til um það hversu góður eða slæmur ökumaður nemandinn verður.

Sviptur ökuleyfi á fyrsta degi