Netlögregla?! Ég held ekki!

 Steingrímur J. Sigfússon, formaður Vinstri grænna, lýsti þeirri skoðun sinni í Silfri Egils að hann vildi koma á fót sérstakri netlögreglu, til þess að hindra aðgang að klámi og annarri óáran, á netinu. 

  Þessi hugmynd Steingríms er ein sú vitlausasta sem ég hef heyrt í stjórnmálum síðan að Guðrún Helgadóttir vildi koma á fót ríkisdagblaði!  Þá tel ég hana skylda fáránlegri hugmynd Björns Bjarnasonar um íslenska leyniþjónustu.

  Ef þetta ætti að vera mögulegt þyrftum við að setja upp sérstakar netsíur og værum við þá eina ríkið í heiminum sem gerðum slíkt fyrir utan Kína!  Ég held að mjög fáir vilji lifa við slíka forræðishyggju og lögregluríki eins og Steingrímur og áður Björn Bjarna eru að boða.  Þessar hugmyndir eru farnar að minna mig óþægilega mikið á mynd Georges Orwell 1984 um samfélag stóra bróðurs.

Athugasemdir

[Lára Stefánsdóttir, 26.2.2007 kl. 23:43]

Þetta er ein alskelfilegasta hugmynd sem ég hef heyrt í langan tíma. Ég hef unnið á Netinu síðan 1990 þ.á.m. í verkefnum þar sem reynt er að hafa með lönd sem eru með eftirlit með Netinu. Menn vita ekki hvað þeir eru að kalla yfir sig. En leynilögreglur á borð við Stasi og KGB koma upp í hugann. Málfrelsi manna má ekki hindra með nokkru móti og að mega hlera Netið er algerlega út í hött.

[Jón Sigurgeirsson , 26.2.2007 kl. 23:46]

Lögreglan hefur eftirlit með lögbrotum hvar sem þau eru framin og hefur hún gert rassíur hjá barnaklæmurum. Ég er sammála þér Egill að það er dýrlega vitlaust að stofna sérstaka netlöggu. Ég tel að lögreglan geti komi sér upp sérþekkingu á þeim málum sem tengjast netinu og það sé ekki vænlegt til árangurs að hafa margar tegundir af löggum. Maður sér þetta í bandarískum bíómyndum þar sem löggæsluaðilar deila um hvað heyrir undir hvern. Já ég set þetta í flokk með einkahernum hans Björns.