VG enn á flugi. Ríkisstjórnin kolfallin.

Jákvæðu fréttirnar í þessari könnun eru þær að enn staðfestist það að ríkisstjórnin sé fallinn, enda flest allir orðnir dauðþreyttir á henni eftir 12 ára þreytta valdasetu. Held að það sé nokkuð ljóst að hún muni ekki ná meirihluta.  Önnur jákvæð tíðindi úr könnuninni eru að Sjálfstæðisflokkurinn er í sögulegu lágmarki, 36% fylgi hans í aðdraganda kosninga er ekki gott að teknu tilliti til þess að venjulega hefur hann verið að mælast í kringum 40% við þær aðstæður.  Hann hefur ævinlega fengið 3-5% minna í kosningum en í skoðanakönnunum, sem þýðir að hann sé að nálgast 30%, sem yrði ein lakasta útkoma frá stofnun flokksins.

Neikvæðu fréttirnar eru hins vegar þær að Samfylkingin fær ekki nema 22,5% og mælist minni en VG, sem ennþá er á miklu flugi.  Ég er þess þó fullviss að þetta muni lagast er nær dregur kosningum.  Ég er sannfærður um að frjálslynd jafnaðarstefna Samfylkingarinnar á miklu fylgi að fagna meðal þjóðarinnar.  Þá hef ég enga trú á því að Sósaíalíski vinstri flokkurinn á Íslandi (VG) muni halda þessu fylgi.  Ég græt það hins vegar ekki að þeir fái gott fylgi ef það er það sem þarf til að koma stjórninni frá.  Nýja ríkisstjórn í maí takk!

VG með meira fylgi en Samfylking

Athugasemdir

[Óttarr Makuch, 1.3.2007 kl. 23:37]

Það er svo gaman að sjá ykkur Samfylkingarfélganna túlka skoðanakannanir.  Það er svo skrítið að þegar X-S kemur vel úr könnunum segið þið nær undantekningarlaust "þetta er greinilega vilji þjóðarinnar og merki um þann mikla meðbyr sem við höfum" en þegar X-S gegur ílla í könnunum reynið þið alltaf að komast hjá því að svara spurningunni, hvers vegan hún er að koma svona ílla út en þess í stað segið þið "aaa stjórnin er fallinn" "markmiði náð" En er það svo, ég held ekki.  Ég man ekki betur en að ISG hafi æ ofan í æ sagt að allt undir 30% væri slæmt og flokkurinn hefði allt til þess að bera.  En reyndin er nú önnur, fylgið í lágmarki aðeins 22,5% og að sögn formanns Samfylkingarinnar er hún með þingflokk uppfullan af fólki sem hún getur ekki notað.  En það er líka athyglisvert að skoða hvers vegna stjórnin sé "fallinn" ekki er það vegna starfa eða stöðu Samfylkingarinnar svo mikið er víst.  Það er vegna stöðu Vinstri Grænna sem eru trekk í trekk að skora metskor í könnunum og er nú næst stærsti flokkur landsins og vegna afhroða Framsóknarflokksins í könnunum undanfarið.  En samt reynið þið að brosa í gegnum tárin og segja stjórnin er "fallinn" og þá er allt í lagi! 

Ég hef alltaf sagt að menn eigi ekki að benda á ókosti annarra heldur fara fram á eigin verðleikum, með eigin hugmyndir og eigin metnað.  Með þessu þrennu uppskera menn og geta staðið beinir, stoltir og glaðir.

[Egill Rúnar Sigurðsson, 1.3.2007 kl. 23:53]

Ég er auðvitað ekki sáttur við þessa útkomu Samfylkingarinnar, en eins og ég sagði þá er ég sannfærður um að við munum sjá betri útkomu í kosningunum.  En nú spyr ég þig Óttar:  Ert þú virkilega sáttur við útkomu þíns flokks (36%)?  Eða eruð þið í algjöri afneitun á eigin stöðu?

[Óttarr Makuch, 2.3.2007 kl. 00:11]

Nei, ég er hinsvegar þess fullviss að við eigum innistæðu fyrir meira en þessu.  Afneitun förum við aldrei í !  Við hinsvegar förum yfir okkar mál og rýnum í málin. 

Eins og þú veist þá hef ég ALLTAF tekið kannanir með fyrirvara og er sammála Halli hvað varðar statistik-ina. 

En það verður fróðlegt að sjá hvernig fer á kosninganótt, verða viðræður milli XD og XV eða XD og XS, það virðist vera orðin stóra spurningin.