Áfall fyrir Clinton ef Satt reynist.

Ef það er rétt að Ted Kennedy, öldungardeildarþingmaðurinn frá Massachusetts, styðji Obama, er það ákv. áfall fyrir Hillary Clinton og þá að sama skapi vatn á millu hans.  Einnig vó það þungt á vogarskálunum fyrir Obama að þáttastjórnandin frægi, Oprah, sem hefur reyndar fengið bágt fyrir hjá mörgum konum, lýsti yfir stuðningi við hann.

 

Sem stuðningsmaður Hillary Clinton, er ég auðvitað ekki ánægður með þetta, en ég get útaf fyrir sig skilið þann stuðning sem Obama fær.  Hann er öðruvísi stjórnmálamaður, sem heldur oft magnaðar ræður, sem líkja má við ræður Martin Luther King og fleiri snillinga. 

 

En ein aðal ástæðan fyrir því að ég vil að Hillary hljóti útnefninguna, er sú að ég tel hana eiga mun meiri möguleika á að sigra repúblikana og ná kosningu sem forseti Bandaríkjana, en Barack Obama. Það væri nú heldur ekki leiðingegt að fá konu í þetta valdamesta embætti í heimi.  Ég vil þrátt fyrir allt leyfa mér að spá því að Hillary Clinton sigri þetta á endanum.  Ég býð spenntur eftir "The big Tusday" 5. febrúar nk. Held að Clinton komi vel út úr honum, þó Obama sé að sækja í sig veðrið.

Obama fær stuðning Kennedys

Athugasemdir

[Jón Halldór Guðmundsson, 28.1.2008 kl. 20:30]

Hæ.

Er vikt Kennedyanna mikil í dag? Ekki veit ég það, en ég er viss um að Oprah er auðvitað algerlega frábær stuðningsmaður.

Ég er ekki búinn að gera upp minn hug ennþá, en ég hef miklar mætur á Hillary.

Þetta verður trúlega spennandi slagur, en vonandi ekki of harður.