Forsetinn gerði rétt að neita að skrifa undir lögin!

  Í viðtali við Egil Helgason í silfrinu kvaðst Forseti Íslands, Ólafur Ragnar Grímsson, hafa gert rétt að neita að skrifa undir fjölmiðlalögin svokölluðu.  Atburðarrásin eftir synjunina hefði líka sýnt það að svo hefði verið.

 Þarna er ég fullkomlega sammála Forsetanum.  Komið hefur á daginn að þær hrakspár sem hafðar voru uppi um að ein fjölmiðlasamsteypa (365) væri á góðri leið með að sölsa undir sig alla fjölmiðlun í landinu reyndist svo sannarlega ekki á rökum reyst.  Í raun hefur samkeppnin og fjölbreytileikinn í íslenskum fjölmiðlaheimi aldrei verið meiri.  Til hefur orðið nýtt fríblað, Blaðið, sem hefur náð góðri útbreyðslu, og enn eitt blaðið, Kronikan, var einnig að koma út svo eitthvað sé nefnt.

  Þá var ég hjartanlega sammála Forsetanum um að það hafi verið miður að málið skyldi ekki fara í þjóðaratkvæðagreiðslu eins og stjórnarskráin gerir ráð fyrir.  Hefði verið eðlilegra mál að sjá hver vilji þjóðarinnar væri eða hefði verið í þessu stórmáli og í samræmi við stjórnarskrána.  Ég tel reyndar að Stjórnvöld hafi ekki þorað með málið í þjóðaratkvæðagreiðslu að ótta við að bíða auðmýkjandi ,,ósigur".  Enda sýndu skoðanakannanir á þessum tíma að 80% þjóðarinnar voru á móti fjölmiðlafrumvarpinu og 70% landsmanna vildu að málið færi í þjóðaratkvæðagreiðslu.

   Öll framkoma ríkisstjórnarinnar í þessu máli var að mínu mati gerræðisleg og full ástæða til að rifja hana rækilega upp í komandi kosningabaráttu!  Hvað synjunarvald forseta áhrærir, þá er ég ekki í vafa um að mikill meirihluti þjóðarinnar vill hafa synjunarvaldið áfram og telur að það eigi að vera á valdi forseta að beita því.  Úrtöluraddir ýmissa ,,lagaspekinga"  um að stjórnarskráin segi eitthvað annað eru að mínu mati fáránlegar og komu fyrst upp í seinni tíð.

Forseti kveðst hafa gert rétt með því að hafna lögum

Ofsaakstur að aukast? Herða þarf eftirlit!

Ég hef það á tilfinningunni að ofsaakstur og almennt gáleysi í umferðinni sé stöðugt af aukast  a.m.k. af fréttafluttningi undanfarið að dæma.  Lögregla var t.a.m. kölluð þrisvar út síðasta sólahring vegna lífshættulegs ofsaaksturs. 

Ég hef lengi verið þeirrar skoðunnar að löggæsla sé hvergi nærri nógu góð, hún er mjög lítt sýnileg og menn komast upp með að brjóta endalaust af sér án þess að gripið sé í taumana.  Ég er ekki viss um að hærri sektir séu endilega lausnin, það er nýlega búið að stórhækka þær en það virðist ekki bera neinn árangur.  Sýnilegri löggæsla og hert eftirlit er það sem þarf.  Þá er stór spurning hvort ekki sé rétt að svipta ökumenn ökuréttindum ævilangt sem verða uppvísir af ,,almannahættubrotum" eins og kom fram í viðtali við Stefán Eiríksson lögreglustjóra höfuðborgarsvæðisins að kæmi til álita að kæra fyrir.

Tekinn á 135 km hraða á Reykjanesbraut

Gott á Bush. Á ekkert gott skilið!

Gott hjá Demókrötum!  Vona að þeir haldi áfram að setja fótinn fyrir Bush.  Sem betur fer styttist í að Bush fari úr Hvíta húsinu og hann og hans öfgafullu hægri menn hætti að ógna heimsfriðnum.  Hver sem sigrar  í næstu forsetakosningum í bandaríkunum þá verður hann/hún betri en Bush, annað er ekki hægt.  Vona svo sannarlega að bandaríkjamenn beri gæfu til þess  að kjósa Hillary Clinton sem næsta forseta.

Hvað varðar Íraksstríðið þá var þetta fyrirfram tapað stríð og íraun fáránlegt að ,,viti bornir menn" skyldu láta sér detta það í hug að hægt væri að ,,draga" ríki í þessum heimshluta og þessum menningarheimi inn í vestrænt lýðræðiskerfi.  Þá var stuðningur okkar íslendinga við þetta stríð einn mesti smánarblettur á íslenskri utanríkisstefnu.  

Fulltrúadeild Bandaríkjaþings snuprar Bush fyrir áætlun um aukaherlið

Þá vitum við það! Þorgerður með stækkun en Lúðvík óákveðinn.

Þá vitum við það.  Þorgerður stendur með stóriðjunni eins og hún og hennar flokkur eru vön.  Hún má að sjálfsögðu hafa sína skoðun á því eins og allir aðrir (ég er á móti stækkun), en persónulega finnst mér það ekki við hæfi að menntamálaráðherra opinberi skoðun sína í þessu máli.  Hún er jú ráðherra menntamála og rætt hefur verið um möguleika á að þróa þekkingariðnað á svæðinu ef stækkun verður felld.

Ég hélt hins vegar að andstæðingar Samfylkingarinnar, hefðu rétt fyrir sér að því leiti að Lúðvík Geirsson bæjarstjóri í Hafnafirði styddi stækkun með ráðum og dáð, en á því eru þeir búnir að vera hamra margir hverjir.  Það er greinilega ekki rétt þar sem hann hefur ekki tekið ákvörðun enn hvort hann greiði atkvæði með eða á móti stækkun.

Menntamálaráðherra styður stækkun álversins í Straumsvík

Stórslysi verði afstýrt í álafosskvos í Mosfellsbæ!

Sem fyrrverrandi íbúi í Mosfellsbæ er ég sammála þeim sem segja framvæmdir í Álafosskvos með svokallaðri Helgufellsbraut sé stórslys ef af verður.  Ýmsir hafa reynt að gera lítið úr málfluttningi þeira sem eru andsnúnir þessum breytingum og kallað þetta storm í vatnsglasi.  Svo er alls ekki að mínu mati. 

Þarna er í raun verið að eyðileggja hreina náttúruperlu um hrein umhverfis og náttúruspjöll að ræða.  Ég þekki þetta svæði bæði frá unglingsárum mínum en einnig sem leiðsögumaður þar sem fór nokkrar ferðir með túrista þarna uppeftir og þarf ekki að fjölyrða um hversu hrifnir þeir voru af þessum stað. Það sem mér finnst síðan hvað grátlegast í þessu að ,,græningaflokkur Ísland" VG stendur fyrir þessu ásamt Sjálfstæðismönnum!

Ég fagna þess vegna mjög þessum úrskurði Úrskurðarnefndar skipulags- og byggingarmála um að stöðva framkvæmdir á meðan málið er til meðferðar hjá þeim.  Þá vona ég að þessu stórslysi verði afstýrt.

Framkvæmdir við Helgafellsbraut stöðvaðar

Þjóðarsátt um náttúruvernd eða fækkun framsóknarmanna!

Jón Sigurðsson talaði um framvirka þjóðarsátt, sem ætti að byrja að virka 2010.  Þeir verða að fá að klára að byggja 4 álver fyrst!  Sama kom fram hjá formanni Sjálfstæðisflokksins Geir H. Haarde, ekkert væri því til fyrirstöðu að klára þau 4 álver sem í pípunum væru. 

Það verður engin þjóðarsátt um þetta Jón og Geir.  Væri frekar að þjóðarsátt næðist um að útrýma framsóknarmönnum af þingi, sem byrjaði að virka strax í maí, eins og einn ágætur maður benti á.  Þetta er svona álíka vitlaust og forfallinn alkahólisti sem segðist ætla að drekka í 3 ár í viðbót og hætta svo!

Stefna Samfykingarinnar í þessum efnum er skýr, fresta öllum frekari stóriðjuframkvæmdum í það minnsta á höfuðborgarsvæðinu, Straumsvík og Helguvík þangað til búið er að gera rammaáætlun um náttúruvernd í anda Samfylkingarinnar.  Ráðgert er að slík rammaáætlun tæki 4-5 ár.  Þetta er ekki síst nauðsynlegt í því skyni að kæla hagkerfið.  Þar fyrir utan hel ég að þjóðin sé búin að fá nóg af álverum og segi hingað og ekke lengra. 

 

 

Loksins eitthvað vitrænt frá framsóknarmönnum.

Valgerður Sverrisdóttir utanríkisráðherra og  skv. síðustu skoðanakönnun Fréttablaðsins annar af tveimur þingmönnum Framsóknarflokksins eftir kosningar, hefur lýst því yfir að hún vilji að Framsókn myndi áfram ríkisstjórn með Sjálfstæðisflokknum eftir kosningar í vor nái hún meirihluta. Hinn þingmaðurinn yrði líklega Guðni Ágústsson, mjög samstæður þingflokkur eða hitt þó heldur!

Ég hreinlega skil ekki hvað framsóknarmenn hafa verið að hugsa, eða hvort þeir hugsi yfirleitt.  Flokkurinn er að deyja drottni sínum og þeir skilja ekkert hvers vegna, berja hausnum við steininn.  Ég er hins vegar ekki í nokkrum vafa um ástæðuna, ,,vinstra fylgið" eða félagshyggjufylgið sem að flokkurinn hafði ávallt þó nokkuð af er farið! Það kemur ekki aftur nema Framsókn hætti að verða undir hælnum á Sjálfstæðisflokknum  og fari að ,,brosa til vinstri".  Veit svo sem ekki hvort það myndi hjálpa þeim neitt úr þessu og ekki mitt markmið að reyna að bjarga þeim!  Það er auðvitað miklu meira að hjá flokknum en þetta, en þetta er höfuðástæðan fyrir slöku gengi þeirra.

Framsóknarmenn í Skagafirði vilja s.s. ekki berja höfðinu við steininn legur og fara að viðurkenna staðreyndir.  Þeir sjá þá einu von fyrir sinn flokk að viðurkenna að flokkurinn er orðinn b deild í Sjálfstæðisflokknum.  Eða eins og ég hef áður sagt í bloggi mínu, ef þú kýst Framsókn þá færðu Sjálfstæðisflokk með og öfugt 2 fyrir 1!

Vilja ekki að Framsóknarflokkur myndi áfram stjórn með Sjálfstæðisflokki

Húrra fyrir Agli Vagni! Hvílík hetja!

Hann á svo sannalega heiður skilið þessi drengur.  Það hefði sko ekki hver sem er treyst sér til þess að gera það sem hann gerði.

Þetta atvik undirstrikar einnig mikilvægi þess að gera Skyndihjálp að skyldufagi í grunnskólum að mínu mati.  Í þessu tilviki hafði móðir hans undirbúið hann vel, sem er frábært og til fyrirmyndar.

Frábært hjá Rauða krossinum að veita honum viðurkenningu.  Hann átti það svo sannarlega skilið.  Húrra fyrir Agli Vagni Sigurðsyni!

Átta ára drengur hlaut viðurkenningu sem Skyndihjálparmaður ársins

Fylgi samfylkingar á uppleið. Tveggja flokka ríkisstjórn án Sjálfstæðisflokksins?

Það var gaman að vakna í morgun við nýja skoðanakönnun Fréttablaðsins, sem sýndi að Samfylkingin hefði stóraukið fylgi sitt, fengi 27,9% og 18 þingmenn.  En merkilegustu niðurstöður þessarar könnunar eru þó þær að skv. henni yrði í fyrsta skipti í sögunni hægt að mynda tveggja flokka ríkisstjórn án atbeina Sjálfstæðisflokksins!  Það yrðu stórtíðindi og gleðileg.  Ég var einmitt að benda á þennan möguleika í bloggi mínu um daginn, eftir að skoðanakönnun Mannlífs gerði ráð fyrir að þessir tveir flokkar fengju samtals 45% fylgi.  En skv. Fréttablaðinu í dag fá þeir 51,6% samtals og 33 þingmenn.

Í mínum huga var  ekki spurning um hvort Samfylkingin næði sér á strik heldur hvenær.  Flokkurinn hefur hafið gagnsókn og unnið heimavinnuna sína einstaklega vel.  Ég held að amenningur sé að átta sig á því að sú ómerkilega gagnrýni sem Samfylkingin hefur orðið fyrir varðandi stefnuleysi og sú gangnrýni að ISG valdi ekki leiðtogahlutverkinu eigi ekki við nein rök að styðjast. 

Mitt fólk í Samfylkingunni hefur verið að láta betur í sér heyra og koma málum okkar betur til skila.   Fagra Ísland, stefna Samfylkingarinnar í náttúruverndarmálum hefur loksins verið að komast til skila til almennsings, sérstaklega eftir að ISG lýsti því yfir afdráttarlaust að fresta yrir öllum frekari stóriðjuframkvæmdum á höfuðborgarsvæðinu næstu ár.  Hún var ekki að segja neitt nýtt eða að breyta stefnunni, þetta hafði löngu komið fram í stefnunni um Fagra Ísland.  Þá hefur Samfylkingin verið mjög beitt í gagnrýni á stjórnvöld út af ,,Byrgis og Breiðavíkurmálum" og tekið þar upp hanska þeirra sem minna mega sín í samfélaginu eins og hennar er von og vísa.

Ég held líka að fólk sé að átta sig betur á því að ef við ætlum virkilega að fella ríkisstjórnina í vor og  breyta um stjórnarstefnu þá verður Samfylkingin að koma sterk út.  Það að Samfylkingin komi sterk út úr kosningunum sem flokkur í kringum 30% er skýlaus krafa um breytingar.

Það er þó of snemt að fagna.  Ég hef áður sagt að ég taki helst ekki mark á skoðanakönnunum frá neinum nema Capasent Gallup, þó Fréttablaðið hafi í sjálfu sér staðið sig ágætlega og ekki verið langt frá úrslitum kosninga.  Svarhlutfall í þessari könnun er hins vegar frekar lágt eða 54,8 % sem minnkar marktækni hennar eitthvað.  En ég er þó viss um að þetta er vísbending um að Samfylkingin er á uppleið.  

 

 

Konur sem stjórnmálaleiðtogar. Hindrun í vegi?

Það er ótrúlegt en satt að enn þann dag í dag á 21. öldinni skulum við ennþá eiga erfitt með að sætta okkur við konur sem pólitíska leiðtoga.  Þær konur sem sækjast fast eftir því og þær sem ná þeim áfanga að verða forystumenn sinna flokka, svo sem Ingibjörg Sólrún Gísladóttir hér heima, Hillary Clinton í bandaríkjunum og Segolene Royal í Frakklandi svo einhverjar séu nefndar eru gagnrýndar á annan hátt en karlmenn í þessum stöðum.  Þær eru sagðar Gribbur, kaldar og hranalegar (Royal í Frakklandi) og þar fram eftir götunum.  Þá er eins og þær megi ekki láta kveða of mikið að sér, vera ,,of harðar" eða ,,of beinskeyttar" þá eru þær rakkaðar niður. 

Ég efast t.d. stórlega um það að ef að karlmaður hefði flutt Borgarnesræðurnar frægu fyrir síðustu þingkosningar hefðu þær ekki valdið jafn miklu fjaðrafoki og raunin varð.  Þá fara ótrúlega margir út í mjög svo ómálefnalega umræðu þegar kvennleiðtogar eru annars vegar, mér dettur ekki einu sinni í hug að setja það á prent sem pólitískir andstæðingar hafa kallað Ingibjörgu Sólrúnu til þess að koma höggi á hana. 

Það er eftirtektarvert að oft er eins og konur nái bara ,,visst langt" en ekki alla leið. í fyrstaskipti í sögunni á kona möguleika á því að verða kosin forseti bandaríkjanna og í Frakklandi er það einnig raunhæfur möguleiki að Segolene Royal verði forseti.  Nú þegar er þó kona Kanslari í Þýskalandi.  Ef þær Hillary og Segolene ná þessum áfanga gæti það orðið til þess að brjóta þessar,,ósýnilegu" hindranir kvenna niður.  Þá væri nú gaman að því ef að við íslendingar bærum gæfu til þess að velja konu í stól forsætisráðherra í fyrsta sinn