Niðurlægingin er Framsóknar!

En á ný þurfti Framsóknarflokkurinn að lúta í lægra haldi fyrir Sjálfstæðisflokknum í þessu máli eins og flestum ef ekki öllum deilum þeirra í millum, sem eins og Össur sagði réttilega, vann fullnaðarsigur.  Það að stjórnarandstaðan hafi gengið á bak orða sinna er einfaldlega rangt og út í hött að reyna að klína þessu klúðri upp á hana! 

Stjórnarandstaðan var öll að vilja gerð til að leysa málið og taldi ekki fullreynt með það.  Hún bauð upp á það að festa ákvæði um sameign þjóðarinnar á auðlindum í stjórnarskrá, sem byggði á vinnu auðlindanefndar, þar sem ákvæðið hefði einhverja merkingu en yrði ekki tilefni endalausra deilna og óvissu um merkingu og í raun merkingarlaust hefðu stjórnarflokkarnir fengið að ráða. Betur var því heima setið en af stað farið.

Eftir stóryrtar yfirlýsingar, hótun um stjórnarslit ofl.  þurfa Framsóknarmenn að koma fram fyrir alþjóð með skottið á milli lappana enn eina ferðina, það liggur við að maður vorkenni þeim! Í ofanálag reyna þeir svo að klóra yfir eigin klúður með því að kenna stjórnarandstöðunni um!

 

 

Jón Sigurðsson: Stjórnarandstaðan gekk á bak orða sinna

Athugasemdir

[Tómas Þóroddsson, 15.3.2007 kl. 21:48]

Já fyndið í þessari frétt bendir Birgir á að tíminn sem þeir ætluðu sér í þetta hafi verið of naumur

[Hafsteinn Viðar Ásgeirsson, 16.3.2007 kl. 21:05]

Það kom frábær lýsing á þessari útreið lúðanna frá "sleggjunni" í morgun; Þeir voru dregnir á maganum eftir flórnum.......