Fagnaðarefni ef einkasala ríkisins á léttu víni verður afnumin.

Að mínu viti er það fagnaðarefni ef einkasala Á.T.V.R. á léttu víni og bjór verður afnumin.  Engin ástæða er til þess að við séum öðruvísi en aðrar þjóðir hvað þetta varðar.  Útlit er fyrir að Alþingi fái loksins tækifæri til að greiða atkvæði um þetta mál.

Ég tel að ef þessar breytingar verða að veruleika þá muni vínmenning landans batna og við lærum að umgangast vín með öðrum og betri hætti en við gerum nú.

 

Allsherjarnefnd afgreiddi frumvarp um afnám einkasölu ríkisins á léttvíni

Athugasemdir

[Tómas Þóroddsson, 16.3.2007 kl. 17:04]

Já held reyndar að þetta fari ekki í gegn fyrr en Samfó komist til valda.

[Egill Rúnar Sigurðsson, 17.3.2007 kl. 12:18]

Endilega Hallur!

[Óttarr Makuch, 18.3.2007 kl. 23:17]

Enn og aftur sannast afturhaldssemi kommans Ögmundar í Vinstri grænum, maður lifandi hvað sumir geta verið þröngsýnir!  Sökum þess að hann hótaði að beita málþófi á alþingi og taka þingið í gislingu líkt og þið samfylkingarfólk hafið stundað að gera með þeim trekk í trekk, þá var málið ekki afgreitt!  Hvað er AÐ?  Þessi maður ætti auðvitað best heima í Kína eða Rússlandi þar myndi honum hugsanlega líða vel en þá eingöngu vegna stjórnunarhátta!

[Egill Rúnar Sigurðsson, 19.3.2007 kl. 10:39]

Þínir menn falla enn í þá gryfju að kenna öðrum um að þeir nái ekki fram sínum málum! Eftir því sem Guðlaugur Þór sagði, var málið ekki tekið fyrir af ótta við málþóf, en ekki af því að málþófi hafi beinlínis verið hótað.  Hins vegar eru afturhaldsmenn í öllum flokkum, menn eins og Páll Péturson framsóknarmaður og fyrrverandi félagsmálaráðherra, sem var á sínum tíma á móti litasjónvarpi!!

[Óttarr Makuch, 19.3.2007 kl. 23:27]

Þetta mál þurfti því miður að víkja fyrir mikilvægari málum! Svo einfalt er það.  Það er hinsvegar ekki rétt að Ögmundur hafi ekki hótað málþófi því það gerði hann.  Það er auðvitað algjörlega ólíðandi að menn eins og hann geti leyft sér að halda Alþingi, landi og þjóð í gíslingu sér til ánægju og yndisauka!

[Egill Rúnar Sigurðsson, 20.3.2007 kl. 00:29]

Ekki ætla ég að verja Ögmund!