Sigur Samfylkingarinnar!

 

Sumir hér á mbl blogginu hafa verið að gagnrýna Lúðvík og Samfylkinguna fyrir þessar álverskosningar, stefnu og afstöðuleysi og þar fram eftir götunum en það get ég því miður ómögulega skilið!  Ef einhver einstaklingur er sigurvegari í þessu máli, þá er það Lúðvík Geirsson bæjarstjóri í Hafnarfirði.  Hann og Samfylkingin ákváðu að leggja málin upp með þessum hætti og voru fulltrúar allra flokka í bæjarstjórn Hafnafjarðar sammála um að fara með þetta mál í atkvæðagreiðslu. 

Met kosningarþátttaka varð staðreynd, sem staðfesti vilja Hafnfirðinga til að leysa málið með þessum hætti.  Kosningin er stórt skref í átt til aukins lýðræðis, sem hefur verið og er stefna Samfylkingarinnar.  Skil því ekki hvað menn hafa upp á Samfylkinguna eða Lúðvík að klaga! Framkvæmdin öll var til fyrirmyndar og lýðræðisleg niðurstaða fékkst, sem margir virðast hins vegar eiga erfitt með að kyngja! 

Það eina sem er "leyfilegt" að gagnrýna Lúðvík fyrir, þ.e. menn geta haft mismunandi skoðanir á, er að hann skyldi ekki gefa upp sína afstöðu til stækkunar.  En Deiliskipulagið sem kosið var um var ekki lagt fram af Hafnafjarðarbæ, heldur af Alcan og hann sem umboðsmaður bæjarbúa (bæjarstjóri allra bæjarbúa) taldi það ekki vera sitt hlutverk að segja bæjarbúum hvað þeir ættu að kjósa, eða að leiða annan hópinn og þar er ég honum sammála. 

Held að þetta mál í heild sinni hljóti að verða til þess að fylgi Samfylkingarinnar aukist! Tapa kannski mögulega atkvæðum tapsárra álverssinna, en vinna örugglega a.m.k. tvö á móti annarsstaðar.  Samfylkingin hefur gert allt rétt í þessum mái og á hrós skilið!

Sveitastjórnarráð Samfylkingarinnar óskar Hafnfirðingum til hamingju

Athugasemdir

[Óttarr Makuch, 2.4.2007 kl. 10:17]

Allt í lagi Egill, hverjum þykir sinn fugl fagur!

Samfylkingunni tókst það sem öðrum hefur ekki tekist áður, allavega á jafn skömmum tíma, þe að kljúfa heilt bæjarfélag herðar niður.  Það er ekki eðilegt að prósentubrot séu túlkuð sem sigur!  Þetta myndi ég frekar flokka sem heppni.  En hvað ætla menn að gera og hvernig túlkar þú það ef rétt reynist að fjöldi fólks hefur flutt lögheimili sitt til þess að kjósa...  Þetta er kannski eitthvað sem þið kannist við úr Samfylkingunni þar sem menn geta keypt varaformansstólinn með pizzum !!

[Egill Rúnar Sigurðsson, 2.4.2007 kl. 10:38]

Svona er þetta í kosningum þar sem tveir aðilar "keppa" og einfaldan meirihluta þarf til.  Sá aðilinn sem fær fleiri atkvæði sigrar, alveg sama hversu munurinn er lítill.  Er ekki viss um að þú hefðir talað með sama hætti ef að hinn aðilinn hefði fengið meirihluta. Hef enga trú á því að fjöldi manns hafi flutt lögheimilið sitt, a.m.k. ekki í það ríkum mæli að það hafi skipt sköpum, hefði þá einnig getað verið á hinn veginn. 

Þú hefur greinilega ekki mikið álit á fólki Óttarr, ef þú heldur að það sé hægt að kaupa atkvæði þeirra með pizzum! Í Sjálfstæðisflokknum tíðkaðist það að vísu lengi vel að gefa unglingum bjór til þess að ná þeim í flokkinn en Samfylkingin ástundar ekki slík vinnubrögð og mun aldrei gera Óttarr.

[Óttarr Makuch, 2.4.2007 kl. 13:40]

Var ekki varaformaður Samfylkingarinnar gagnrýndur einmitt fyrir að kaupa atkvæði með pizzum ég man ekki annað en Lúðvík samflokksbróður ykkar hafi sakað hann um það ekki alls fyrir löngu.

Þú veist mína skoðun á þessari kosningu það er sama hvernig úrslitin hefðu orðið ég tel mikilvægt að niðurstöður kosninganna hefðu verið afgerandi en ekki munað örfáum atkvæðum.  En auðvitað er það bara mín skoðun.

Hafa ekki allir flokkar boðið ungum kjósendum í mat og drykk hvort heldur sem hann er áfengur eða óáfengur það skal ég ekki fullyrða.  Veit ekki betur en þið hafið haldið nokkur hófin í þá veru. 

[Egill Rúnar Sigurðsson, 2.4.2007 kl. 17:00]

Jú, jú hann gaf einhverjum pizzur og menn geta auðvitað haft misjafnar skoðanir á því hvort það sé eðlilegt.  En að mér vitanlega hefur Samfylkingin aldrei staðið fyrir því að unglingum undir lögaldri væri gefið áfengi.

Hveð álkosningarnar varðar. þá hefið þurft að ákveða það fyrirfram ef aukinn meirihluta hefði þurft og svo sem ekkert óeðlilegt sjónarmið.  En miðað við leikreglurnar þá skiptir atkvæðamunur engu máli, heldur sigrar sá sem fær fleiri atkvæði.  Um kláran meirihluta var að ræða rúm 50%!

[Óttarr Makuch, 2.4.2007 kl. 17:41]

Við erum þá sammála um að það hefði þurft að vinna skipulagningu kosninganna aðeins betur og þar setjum við punktinn.

[Egill Rúnar Sigurðsson, 2.4.2007 kl. 23:43]

Ok sir!