Fæst einhverntíman botn í McCann málið?

Maður fer nú að verða svolítið leiður á þessum fréttum af þessu átakanleg máli, sem "McCann málið" er.  Fram að þessu hef ég fylgst með öllum fréttum af þessu máli í von um að stúlkan finnist og einhver botn fáist í málið.  En því miður er ég orðinn ansi vonlítill um það og er satt að segja orðinn svolítið þreyttur á að fylgjast með þessari sorgarsögu.

Ég hef aldrei trúað því að foreldrar Madalene hafi á einhvern hátt átt þátt í hvarfi dóttur sinnar og er enn sama sinnis.  Rannsóknin sem foreldrarnir létu gera á tvíburunum, sem sýndi fram á að þeim hafi ekki verið gefið svefnlyf, eins og haldið var fram af portúgölskum fjölmiðlum, styrkti mig í þeirri trú.

Frá upphafi hef ég efast um hæfni portúgölsku lögreglunnar í þessu máli.  Þar af leiðandi koma þessar ásakanir um galdraofsóknir mér ekki á óvart.  "Galdraofsóknir" er hins vegar kannski of sterkt að orði kveðið, en ég hef sterka tilfinningu fyrir því að ekki sé allt með felldu, hvað varðar rannsókn málsins og þátt portúgskra fjölmiðla.

„McCann-hjónin fórnarlömb hræðilegra galdraofsókna"

Athugasemdir

[Gísli Bergsveinn Ívarsson, 23.10.2007 kl. 09:45]

Þetta mál er ein stór hringavitleysa frá a-ö.

Ég reyndar trúi því ekki að foreldrarnir hafi gert þetta.