Mjög skynsamlegt!

Ég hef mikið álit á Kristrúnu og tel að hún sé ein af framtíðarforystumönnum Samfylkingarinnar.  Óska því Ingibjörgu Sólrúnu og landsmönnum öllum til hamingju!

Kristrún Heimisdóttir ráðin aðstoðarmaður utanríkisráðherra

Uppskera Samfylkingarinnar er mjög góð!

Mjög ánægður með málefnasamning Sjálfstæðisflokks og Samfylkingar!  Sumir hafa veriða að tala um að hlutur Samfylkingarinnar sé rýr og að hún hafi þurft að gefa allt of mikið eftir o.s.frv.  Þessu er ég algerlega ósammála!  Uppskera flokksins er að mínu viti mjög góð!  Flokkurinn fær í raun þau ráðuneyti sem hafa með að gera þau mál sem brenna hvað heitast á fólki og Samfylkingin lagði höfuðáherslu á í kosningabáráttunni, s.s. velferðarmál, iðnaðar og umverfismál og samgöngumál svo eitthvað sé nefnt.  Við Samfylkingarfólk getum ekki annað en verið sátt við niðurstöðuna.

„Vonast til að ný stjórn leiði erfið deilumál til lykta"

Ráðherralistinn klár! Líst vel á útkomuna, einkum hjá Samfylkingunni.

Jæja, þá er þetta klárt.  Ráðherrar Samfylkingarinnar verða þessir:

Ingibjörg Sólrún Gísladóttir Utanríkisráðherra

Björgvin G. Sigurðsson Viðskiptaráðherra

Jóhanna Sigurðardóttir Félags og tryggingarmálaráðherra

Össur Skarphéðinsson Iðnaðar og byggðarmálaráðherra

Þórun Sveinbjarnardóttir Umhverfisráðherra

Kristján Möller Samgöngumálaráðherra

 

Ráðherrar Sjálfstæðisflokksins verða þessir:

Geir Hilmar Haarde Forsætisráðherra

Björn Bjarnason Dóms og kirkjumálaráðherra

Árni M. Mathiesen Fjármálaráðherra

Þorgerður Kartín Gunnarsdóttir Menntamálaráðherra

Einar K. Guðfinnsson Sávarútvegs og Landbúnaðarráherra

Guðlaugur Þór Þórðarson  Heilbrigðisráðherra

Allmennt séð líst mér vel á stjórnina.  Ég bjóst þó við meir breytingum hjá Sjálfstæðisflokknum en þeir um það. Guðlaugur Þór Þórðarson kemur að vísu nýr inn og Sturla dettur út og ég get ekki annað en verið sáttur við þau skipti.  Ég hef ekki verið í aðdáendahópi Sturlu og er einkar sáttur við að minn flokkur fái Samgönguráðuneytið.


Ég hefði reyndar frekar kosið að Ingibjörg Sólrún færi í annað ráðuneyti en utanríkisráðuneytið, þar sem það kallar á mikil ferðalög erlendis og gæti bitnað á flokksstarfinu, efast hins vegar ekki um að hún mun  standa sig með miklum sóma í því embætti.  Þá er ég mjög ánægður með að sjá Jóhönnu Sigurðardóttur aftur í félagsmálaráðuneytinu og mikilvægt að Samfylkingin skuli hafa það á sinni hendi svo hefja megi stórsókn í velferðarmálum. Össur Skarphéðinsson er hamhleypa og mun án efa gera margt gott á sviði iðnaðar, byggða - og ferðamála.  Þá er ég mjög ánægður með að sjá Björgvin G. Sigurðsson í ráðherrastól, hann er að mínu viti framtíðarforystumaður Samfylkingarinnar.  Sömuleiðis hef ég mikla trú á því að Kristján Möller muni standa sig vel í Samgönguráðuneytinu.  Þórunn er einnig mjög öflug, líst vel hana.

Nú býður maður spenntur eftir að sjá málefnasamninginn, en það sem ég hef heyrt líst mér mjög vel á.  Loksins get ég stutt ríkisstjórn, það hef ég ekki gert síðan 1991, þegar ég studdi ríkisstjórn Sjálfstæðisflokks og Alþýðuflokks, sem ég varð síðan fráhverfur undir lokin af ástæðum sem ég fer ekki út í hér.  Vona svo sannarlega að sú verði ekki raunin nú.

 

Þrjár konur og þrír karlar ráðherrar fyrir Samfylkingu

Spennandi að sjá málefnasamning nýju ríkisstjórnarinnar!

Ég bíð spenntur eftir því að sjá málefnasamning "Þingvallarstjórnarinnar".  Ég er nokkuð viss um það að Samfylkingin mun ná fram einhverju af hennar áherslum, sértaklega hvað varðar Unga Ísland og bættan hag aldraðra.  Þá er ég að vonast eftir því að ákveðin sátt náist í umhverfismálum.  Unnin verði rammaáætlun um nattúruvernd þar sem fram kemur hvaða náttúruauðlindum skuli ekki fórnað.  ´

Þá vonast ég til að lögin um eftirlaun þingmanna og ráðherra verði endurskoðuð.  Þá verður spennandi að sjá hver stefnan í evrópumálunum verður.  Vonandi mun ríkisstjórnin einnig hreyfa við landbúnaðar og sjávarútvegsstefnunni.  En eitt höfuð málið hlítur að vera að koma á efnahagslegum stöðugleika á ný, draga úr þennslu, minnka verðbólgu og lækka vexti. 

 

Fundað um stjórnarmyndun á Þingvöllum

Samfylkingin á leið í ríkisstjórn! Frábær tíðindi!

Samfylkingin er á leið í ríkisstjórn í fyrsta sinn frá stofnun flokksins.  Óska Geir Hilmari Haarde til hamingju með þá skynsamlegu ákvörðun að taka upp stjórnarmyndunarviðræður við Samfylkinguna.   Þessi ríkisstjórn, sem ég vona svo sannarlega að verði að veruleika, hefur alla burði til að verða góð ríkisstjórn.  Vona að hún verði ríkisstjórn breytinga. 

Formlegar stjórnarmyndunarviðræður hefjast væntanlega á morgun

Út með Framsókn!

Það er ekki hægt að túlka niðurstöðu kosninganna öðruvísi en svo að þjóðin hafi viljað Framsóknarflokkinn út úr ríkisstjórn.  Flokkurinn beið sinn versta ósigur í sögu flokksins og hlaut enga þingmenn í Höfuðborginni.  Meira að segja formaður flokksins náði ekki kjöri!  Ef flokkurinn ætlar síðan að halda áfram í ríkisstjórn eftir þetta skelfilega afhroð, þá er það bæði siðlaus og óklókt af þeim.  Þjóðin mun ekki sætta sig við það og Framsóknarflokkurinn mun þá líklega þurkast alveg út af þingi í næstu kosningum. 

Það væri einnig mjög óklókt af Sjálfstæðisflokknum, sem vann ágætan sigur í kosningunum, að halda áfram með þessum flokki.  Óvinsældir Framsóknarflokksins munu á endanum draga Sjálfstæðisflokkinn niður í fylgi.  Þá er eins þingsæta meirihluti víðsjárverður að þurfa t.a.m. að treysta á fólk eins og Árna Johnsen, Bjarna Harðarson og Sif Friðleifsdóttir, svo einhverjir séu nefndir.  

Ef ríkisstjórnin heldur áfram mun það að vísu einnig hafa jákvæðar afleiðingar. Samfylkingin mun vinna stórsigur í næstu kosningum og fá yfir 40% atkvæða og standa uppi með pálmann í höndunum!  En mikið rosalega verða þá næstu fjögur ár leiðinleg, með þessa ömurlegu ríkisstjórn við völd, ríkisstjórn sem eingöngu er mynduð utan um völd, ekki málefni.

Ingibjörg Sólrún: Ríkisstjórnin of veik

Ákveðin vonbrigð en Samfylking vonandi í ríkisstjórn.

Því miður hélt ríkisstjórnin velli þrátt fyrir það að hafa fengið færri atkvæði en stjórnarandstöðuflokkarnir, en svona er kosningakerfið okkar.  Ef landið væri eitt kjördæmi hefði ríkisstjórnin fallið!  Hins vegar hef ég enga trú á að stjórnin haldi áfram.  Framsóknarflokkurinn beið afhroð og náði ekki einu sinni formanninum á þing og ef að þeir ætla að standa við orð sín er ljóst að þeir verða utan stjórnar.

Besta mögulega niðurstaðan miðað við kosningaúrslitin væri samstjórn Samfylkingarinnar og Sjálfstæðisflokks.  Slík stjórn gæti orðið farsæl og til heilla fyrir þjóðina.

Ríkisstjórnin hélt velli með minnsta mun

Mítan um vinstri stjórnir.

Hún er lífseig mítan um að allt fari í bál og brand ef mynduð verður vinstri stjórn hér á landi.  Sjálfstæðisflokkurinn og öfl í kringum hann hafa verið dugleg við að stunda þennan hræðsluáróður um vinstri stjórnir, að engin geti stjórnað nema þeir.

Sannleikurinn er hins vegar sá að síðasta vinstri stjórn, sem hér var við völd, ríkisstjórn Steingríms Hermannssonar, sem sat frá 1988-1991 var góð stjórn.  Hún náði niður verðbólgunni, sem öll pólitík snerist um í marga áratugi þar á undan.  Þá lagði hún drög að og undirbjó aðild Íslands að Evrópska efnahagssvæðinu (EES), sem Jón Baldvin kláraði svo í næstu ríkisstjórn að vísu með Sjálfstæðisflokknum, sem hafði þó verið á móti EES samningunum í upphafi!  Það var fyrst eftir inngöngu okkar í EES sem hlutirnir fóru að gerast og gríðarleg tækifæri sköpuðust, sem lögðu grunninn að hagsæld okkar og velmegun.  Það getur enginn sagt um þessa stjórn að hún hafi komið öllu í bál og brand eða verið slæm stjórn án þess að vera með óbragð í munni!!

Ráðherrarnir í öðru ráðuneyti Steingríms Hermannssonar voru þessir:

• Steingrímur Hermannsson, forsætisráðherra og ráðherra Hagstofu Íslands
• Jón Baldvin Hannibalsson, utanríkisráðherra
• Jón Sigurðsson, iðnaðarráðherra og viðskiptaráðherra og samstarfsráðherra Norðurlandanna
• Jóhanna Sigurðardóttir, félagsmálaráðherra
• Guðmundur Bjarnason, heilbrigðisráðherra
• Halldór Ásgrímsson, sjávarútvegsráðherra og dóms- og kirkjumálaráðherra
• Ólafur Ragnar Grímsson, fjármálaráðherra
• Svavar Gestsson, menntamálaráðherra
• Steingrímur J. Sigfússon, samgönguráðherra og landbúnaðarráðherra

Sætasta stelpan á ballinu!

Það er ljóst að af þeim stjórmálaflokkum sem í boði eru, er Samfylkingin lang "sætasta stelpan" á ballinu!  En vill Sætasta stelpan á ballinu Geir Hilmar Haarde? Tíminn einn mun skera úr um það.  Held hún sé þó fremur að vonast til að ganga í eina sæng með Vinsti grænum!

En að öllu gamni slepptu, þá er aftur komin upp sú staða að raunhæfur möguleiki er á því að hægt verði að mynda tveggja flokka vinstri stjórn, sem væri sögulegt og í fyrsta sinn í sögu lýðveldisins, sem það gerðist.  En það var einmitt ein höfuðástæðan fyrir stofnun Samfylkingarinnar, að vera raunverulegt mótvægi við Sjálfstæðisflokkinn og koma í veg fyrir það að hann deildi og drottnaði í íslensku flokkakerfi og gæti valið sér einn af hinum flokkunum til samstarf eftir því hvernig vindarnir blésu.  Ef Frjálslyndir ná t.d. ekki inn manni gætti það leitt til þess að Samfylking og VG fengju meirihluta þingmanna þó að þeir væru ekki með meirihluta atkvæða á bak við sig. Sama gæti hins vegar gerst með Sjálfstæðisflokk og Framsókn, bara spurning um hvor fylkingin verður stærri. 

Ég er ánægðari en nokkru sinni fyrr með minn flokk, Samfylkinguna, finnst hún virkilega hafa fundið sína fjöl í eitt skipti fyrir öll, sem alþjóðlega sinnaður frjálslyndur og lýðræðislegur jafnaðarmannaflokkur að evrópskri fyrirmynd.  Flokkur velferðarkefisins sem og viðskiptalífsins, flokkur neytenda, flokkur almannahagsmuna en ekki sérhagsmuna, flokkur sem stundar lausnarpólitík fyrir hins almenna kjósenda og þeirra sem minna mega sín í samfélaginu.  Þá er formaðurinn okkar virkilega að sýna sinn styrk og er virkilega að glansa í kosningabaráttunni. 

Ingibjörg Sólrún Gísladóttir á nú raunhæfan möguleika á því að verða fyrsti kvennforsætisráðherra okkar íslendinga, ég efaðist aldrei um að það!  Það er ljóst að ég og fleiri gerðum rétt með að kjósa hana sem formann Samfylkingarinnar!  Afrakstur þessa er nú að koma í ljós og flokkurinn aftur kominn yfir 30%!

 

Samfylking og Framsóknarflokkur bæta við sig samkvæmt könnun Stöðvar 2

Pólitíska prófið.

Tók pólitiskt próf á www.xhvad.bifrost.is um hvaða flokk ég ætti að kjósa.  Niðurstaðan kom ekki á óvart.  Hefði þó haldið að Samfylkingin yrði hærri hjá mér í prósentum.  Niðurstöður mínar voru þessar:

Stuðningur við Sjálfstæðisflokk: 25%
Stuðningur við Framsóknarflokk: 40%
Stuðningur við Samfylkinguna: 62.5%
Stuðningur við Vinstri-Græna: 31.25%
Stuðningur við Frjálslynda flokkinn: 39%
Stuðningur við Íslandshreyfinguna: 50%

Skoðanir þínar eru í mestu samræmi við skoðanir Samfylkingarinnar!